Im Warenkorb Nicht verfügbar Ausverkauft

Songtext

Bejrief et doch, et ös vorbei

Hät keene Zweck, dat du dich an mich hängs, Liss.
Du häls mich domöt net.
Hät keene Zweck, dat du dich an mich hängs, Liss.
Mir maache jetz ne saubere Schnett.
Morje fröh, wenn de Sonn opjeht,
bin ich längs fott, att e joot Stöck witt.
Un ich were mich net emol noh dir ömsehn.
Bejrief et doch, et ös vorbei.

1. Hät keene Zweck, dat du Theater mähs, Liss.
He, wat soll deng Hühlerei.
Hät keene Zweck, dat du Theater mähs, Liss.
Du änders nex möt dem Jeschrei.
Mir wossten beeds, dat dat net lang joot jeht.
Dat wor keen Saach für die Iewischkeet.
Et hät möt os jrad net jepass.
Bejrief et doch, et ös vorbei.

2. Hät keene Zweck, dat du noch noh mir röfs, Liss.
Ich hüre dich att lang net mieh.
Hät keene Zweck, dat du noch noh mir röfs, Liss.
Et deht nur noch e bessje wieh.
Ich kann net sare, ich hät et schlääch jehatt bei dir.
Du häs de Bess jedohn, du kanns nex dofür.
Un doch driev et mich wedde op de Stroß.
Bejrief et doch, et ös vorbei.

3. Ich maach et kuet, ich sare eenfach „Tschüss Liss!
Pass op dich op, bös erjendwann.
Ich wönsche dir, dat du noch de Kurv kress.
Du wolls su jern Famelesch hann.“
Ich denke nur, et ös werklich schad
für all die Zitt, die ich möt dir verbraht.
Oser Wäesch ös he am Engk.
Bejrief et doch, et ös vorbei.

Günter Hochgürtel – Akustikgitarre, Mundharmonika
Thomas Wille – Kontrabass
Jürgen Schroeder – Schlagzeug, Percussion, Chorgesang
Michael Metzele – E-Gitarre, Chorgesang
Georg Zwingmann - Chorgesang
Johannes Epremian – Geige
Gero Körner – Hammond-Orgel